GAGNAPAKKI: STÓR ORÐ, LÍTIL RÖK OG EKKERT DÆMI UM RANGA TÖLU
Gauti B. Eggertsson · júlí 2026

Þessi mappa hefur að geyma opinberan gagna- og endurgerðarpakka fyrir
svargreinina „Stór orð, lítil rök og ekkert dæmi um ranga tölu“ (Vísir,
júlí 2026). Pakkinn endurgerir myndirnar þrjár í greininni og hverja tölu
í texta hennar úr frystum frumgögnum, með einni skipun.

TÖLUR GREINARINNAR Í HNOTSKURN

  Hagvöxtur:  greinin vitnar í 2,9% á ári fyrir Ísland og 1,6% fyrir ESB
  síðustu 10 ár (endurreiknað 2,80/1,61). Á hvern íbúa snýst röðin við:
  0,86% á Íslandi en 1,39% í ESB, og Ísland er í 23. sæti af 28 þegar því
  er raðað með ríkjum ESB.

  Mynd 1:  kaupmáttur launa samkvæmt mælikvarða Áfram Íslands (LCI/SVN),
  2013-2025: Ísland +68% (birt tala; endurgerð +67%), ESB +8%, Norðurlönd
  í ESB +6%.

  Mynd 2:  kaupmáttur árslauna á hvern launþega, raunvirtur með
  einkaneysluverðvísitölu þjóðhagsreikninga sem tekur reiknaða
  húsnæðisþjónustu eigenda með, 2007-2025: Ísland +3%, ESB +15%,
  Norðurlönd í ESB +12%.

  Mynd 3:  sami mælikvarði frá aldamótum, 2000-2025: Ísland +24%, ESB
  +19%, Norðurlönd í ESB +27%; mælikvarði Áfram Íslands framlengdur til
  aldamóta sýnir +98%.

  Reiknuð húsaleiga — liðurinn sem samræmda vísitala neysluverðs (SVN)
  sleppir — nam 15,6% af allri einkaneyslu árið 2025 samkvæmt
  bráðabirgðatölum Hagstofunnar (THJ02103); hlutfallið hefur verið
  14-16% undanfarin ár.

INNIHALD

  run_all.m             Heildarkeyrslan: endurgerir allt úr frystu gögnunum.
  byggja_gogn.m         gogn/hra/ -> gogn/gogn.csv (ein löng tafla).
  reikna_nidurstodur.m  Allir útreikningar -> nidurstodur/*.csv ásamt
                        utreikningar.txt, þar sem hver tala gagnaskrárinnar
                        (gagnaskra.csv) er borin saman við endurreiknað
                        gildi með stöðunni OK eða FRÁVIK.
  gera_myndir.m         Teiknar myndirnar þrjár -> myndir/*.png.
  afkoda_jsonstat.m     Afkóðar JSON-stat 2.0-svör Eurostat og Hagstofu
                        fyrir útreikningana.
  gagnaskra.csv         Gagnaskráin: hver tala greinarinnar, heimild
                        hennar og hvaða stærð er reiknuð.
  gogn/hra/             Fryst frumgögn (Eurostat, Hagstofa Íslands) ásamt
                        HEIMILDIR.txt með nákvæmum vefslóðum og
                        sóknardagsetningum.
  ADFERDIR.pdf          Aðferðaskjalið: gögn, formúlur, forsendur hverrar
                        myndar og vefslóðir á öll frumgögn. Frumtexti í
                        ADFERDIR.md.
  checksums_sha256.txt  Fingraför (SHA-256-gátsummur) allra annarra skráa
                        útgefna pakkans. Prófið þær áður en run_all er keyrt.

ENDURGERÐ

  Staðfestið útgefna pakkann áður en run_all er keyrt:

    shasum -a 256 -c checksums_sha256.txt

  Í MATLAB (R2022a eða nýrra) skal fara í rót pakkans og keyra

    run_all

  (eða úr skel: matlab -batch "run_all"). Skriftirnar lesa eingöngu frystu
  gögnin í gogn/ — engin nettenging, engin gagnaöflun. Keyrslan skrifar
  gogn/gogn.csv, niðurstöðutöflurnar í nidurstodur/, myndirnar þrjár í
  myndir/ og prentar í lokin talningu OK/FRÁVIK úr utreikningar.txt.
  Töluskrárnar endurgerast niður í hvern bita. PNG-myndirnar endurgerast
  myndrænt, en gátsummur þeirra geta breyst vegna lýsigagna.

GÖGN

  Öll gögn eru frá opinberum frumheimildum (Eurostat, Hagstofa Íslands) og
  aðgengileg án skráningar; nákvæmar vefslóðir, gagnasafnsheiti, síur og
  sóknardagsetningar eru í gogn/hra/HEIMILDIR.txt. Engin gögn voru slegin
  inn handvirkt.

Athugasemdir og ábendingar um villur eru vel þegnar.